நாளை உயர்தர மாணவர்களுக்கான தகவல் தொழிநுட்ப பரீட்சை

2014 கல்விப் பொதுத் தராதர உயர்தர மாணவர்களுக்கான தகவல் தொழிநுட்ப பரீட்சைகள் நாளை நடைபெறவுள்ளது. 

நாடுபூராகவும் உள்ள ஆயிரத்து 114 பரீட்சை மத்திய நிலையங்களில் நாளை காலை 9.00 மணி முதல் நண்பகல் 12.00 மணி வரை பரீட்சைகள் நடைபெறவுள்ளதாக பரீட்சைகள் திணைக்களம் தெரிவித்துள்ளது.

 இதில் தமிழ் மொழி மூலம் இருபத்து நான்காயிரத்து 888 பேரும் சிங்கள மொழி மூலம் நூற்று ஓராயிரத்து 449 பேரும் மற்றும் ஆங்கில மொழிமூலம் பதினோராயிரத்து 505 பரீட்சார்த்திகளும் தோற்றவுள்ளனர். 

இதன்படி மொத்தமாக 137,842 பரீட்சார்த்திகள் இந்தப் பரீட்சையில் தோற்றவுள்ளதாக பரீட்சைகள் திணைக்களம் தெரிவித்துள்ளது. 

மேலும் பரீட்சைகள் தொடர்பில் ஏதேனும் பிரச்சினைகள் ஏற்படின் 0112 784 208 மற்றும் 0112 784 537 என்ற தொலைபேசி இலக்கங்கள் ஊடாக தொடர்பு கொள்ள முடியும் என அறிவிக்கப்பட்டுள்ளது.