சர்வதேச அங்கீகாரம் கொண்ட விமானத்துறைப் பாடநெறிகளை விரிவாக வழங்கும் நோக்கில், பெயார்வே ஹோல்டிங்ஸ் நிறுவனம், விமானத்துறை கல்வி நிலையத்தை இரத்மலானையில் நிறுவியுள்ளது.
பெயார்வே ஹோல்டிங்ஸ் நிறுவனம், தனது பன்முகப்படுத்தப்பட்ட மூலோபாயங்களின் ஒரு அங்கமாக, சர்வதேச அங்கீகாரம் கொண்ட விமானத்துறைப் பாடநெறிகளை விரிவாக வழங்கும் நோக்கில், விமானத் துறையில் இணைந்து ஒரு விமானியாகப் பறக்க வேண்டும் என்ற கனவுகளைக் கொண்டிருப்பவர்களுக்கு, அந்தக் கனவுகளை நனவாக்கும் ஒரு வாய்ப்பை வழங்க முன்வந்துள்ளது.
இதற்கான வசதியான கல்விக் கூடம் இரத்மலானையில் நிறுவப்பட்டுள்ளது. கொழும்பு (இரத்மலானை) விமான நிலையத்துக்கு அருகில் இது அமைந்துள்ளது.
விமானியாக வர விரும்பும் ஒருவர், அதற்குத் தேவையான பயிற்சி மற்றும் ஆற்றல் என்பனவற்றைக் கட்டி எழுப்பிக் கொள்ளத் தேவையான எல்லா வசதிகளும் இங்கு ஏற்படுத்தப்பட்டுள்ளன.
மிகக் கவனமாகத் தெரிவு செய்யப்பட்ட, பறக்கும் அனுபவமும், அதே நேரம், தரை வழி அனுபவமும் கொண்ட பயிற்றுவிப்பாளர்களின் வழிகாட்டலின் கீழ், இந்த ஆற்றல்களையும் பயிற்சிகளையும், அறிவுறுத்தல்களையும் பெற முடியும். அனுபவம் மிக்க முக்கியமான விமானியான கெப்டன் கோசல பெர்னாண்டோ தலைமையிலான சிறப்பு விரிவுரையாளர்களைக் கொண்ட குழுவினரே இந்தப் பயிற்சிகளை வழங்குகின்றனர்.
அர்ப்பணத்துடன் கூடிய இந்தக் குழுவினரின் சிநேகபூர்வமான பயிற்சியானது, தம்மை ஒரு விமானியாகத் தயார்படுத்திக் கொள்ளத் துடிக்கும் மாணவர்களிடம் பொதிந்துள்ள ஆற்றல்களை ஆகக் கூடிய மட்டத்தில் வெளிக்கொண்டு வரக் கூடியதாக அமைய உள்ளது.
ஆகாயத்தை நோக்கி பத்திரமாக மேலே செல்லும் பயணத்தின் தொடக்கத்துக்கான பாதுகாப்பான அறிவுறுத்தல்கள் இங்கே வழங்கப்படவுள்ளன. இதன் மூலம் மாணவர்களின் தொழில்சார் மற்றும் தனிப்பட்ட வெற்றிகளுக்கு வழிவகுக்கும் வகையில், உலகளாவிய ரீதியில் அவர்களுக்கு ஒரு அருமையான சந்தர்ப்பத்துக்கான கதவுகள் திறந்து விடப்படவுள்ளன.
0 comments:
Post a Comment