ஒரு லிட்டர் தண்ணீரில் 500 கி.மீ ஓடும் பைக்: பிரேசில் முதியவர் அசத்தல்....

பெட்ரோலுக்கு பதிலாக ஒரு லிற்றர் தண்ணீரில் 500 கிலோ மீற்றர் ஓடும் பைக்கை பிரேசில் முதியவர் உருவாக்கி அசத்தியுள்ளார்.

பிரேசிலில் அரசு ஊழியராகப் பணியாற்றி ஓய்வுபெற்ற ரிக்கார்டோ அஸேவெதோ என்பவரே இந்த பைக்கை உருவாக்கியுள்ளார்.

அவர் உருவாக்கியுள்ள பைக்கிற்கு டி பவர் ஹச்20 மோட்டார்பைக் என பெயரிட்டுள்ளார். இந்த பைக்கில் ஒரு லிற்றர் தண்ணீரை எரிபொருளாக செலுத்தினால் 500 கி.மீ வரை பயணிக்கலாம்.

மின்னாற் பகுப்பு முறையை அடிப்படையாக் கொண்ட இவரது கண்டுபிடிப்பு, கார் பேட்டரியின் உதவியுடன் தண்ணீரிலுள்ள ஹைட்ரஜன் மூலக்கூறுகளை பிரித்தெடுத்து, இருசக்கர வாகனத்தை இயக்க உதவுகிறது. மேலும் இதனால் பெட்ரோலைப் போல சுற்றுச்சூழலும் மாசுபடுவதில்லை என்பது கூடுதல் சிறப்பு.

இவரின் கண்டுபிடிப்பு ஆட்டோமொபைல் துறையையே முற்றிலும் மாற்றியமைக்கும் வகையில் அமைந்துள்ளது. அதிக விலை கொடுத்து பெட்ரோல் உபயோகிக்கத் தேவையில்லை என்பதால் இது மக்களுக்கும், புகையை வெளியேற்றாததால் சுற்றுச்சூழலுக்கும் சேர்த்தே நன்மையைத் தருகிறது.